Дияґонала

Шейсцугелнїк и його дияґонали

Дияґонали коцки чий рубец $1$. Зоз белаву фарбу означена просторна дияґонала $A{C}^{\prime }$ длужини $\sqrt{3}$, док зоз червену фарбу означена дияґонала $AC$ длужини $\sqrt{2}$.

Дияґонала у ровнї (дия- греч. γωνία: кут) то длужина длужи чийо концово точки два нєсушедни цеменя даєдного вельоугелнїка або полиедра. Зоз каждого цеменя мож поцагнуц $(n-3)$ дияґонали кед число $n$ число цеменьох, прето же зоз єдного цеменя можеме поцагнуц дияґоналу до $n$ цеменьох окрем початного и його сушедних цеменьох. Вельоугелнїк зоз $n$ цеменями ма $\frac{n\cdot (n-3)}{2}$ дияґонали. Длужина дияґонали квадрата рахує ше по формули $a\cdot \sqrt{2}$, кед $a$ длужина страни квадрата.

Просторна дияґонала то длужина хтора повязує два цеменя полиедра хтори нє припадаю истим страном полиедра. Длужина дияґонали коцки $a\cdot \sqrt{3}$, кед $a$ длужина рубца коцки.

У матрицох

У матрицох $n$ x $n$, главна дияґонала то множество польох од $1,1$ по $n,n$, a побочнa дияґонала то множество польох од $1,n$ по $n,1$.

$\left(\begin{array}{ccc}1& 0& 0\\ 0& 1& 0\\ 0& 0& 1\end{array}\right)$

У тим прикладу поля котри припадаю главней дияґонали маю вредносц 1.

$\left(\begin{array}{ccc}0& 0& 1\\ 0& 1& 0\\ 1& 0& 0\end{array}\right)$

Ту поля з вредносцу 1 припадаю побочней дияґонали.