Опатриц жридло боку Паскалов троугелнїк

[[Файл:PascalTriangleAnimated2.gif|thumb|У Паскаловим троугелнїку, кажде число то сума двох числох хтори директно над нїм]]
'''Паскалов троугелнїк''' представя безконєчни шлїд природних числох, хтори представени у форми троугелнїка. Кажде число у єдним шоре представя суму числох хтори над нїм. Числа на початку и на концу шора вше 1. Тоти числа, патраци по шорох, справую ше як биномни коефициєнти. Тота схема достала назву по математичарови Блезови Паскалови.

На приклад, ''k''-те число у ''n''-тим шоре єднаке зоз <math>{n \choose k}</math> и чита ше як ''n'' над ''k''. Пре симетричносц шорох, нєважне чи ше числа читаю з лїва на право, чи з права на лїво.

== Паскалов троугелнїк ==
<div class="thumb tright">
<div style="width:250px;">
<!-- Centering makes everything line up properly -->
           1
         1   1
       1   2   1
     '''1'''   '''3'''   3   1
   1   '''4'''   6   4   1
 1   5  10  10   5   1
<div class="thumbcaption">
Перши шейсц шори Паскалового троугелнїка</div>
</div>
</div>

До початного шору ше уписує 1. Числа на початку и на концу шора вше 1. Кажди нови шор настава так же ше поздаваю по два члени хтори шлїдза єден за другим у претходним шоре, їх сума ше уписує у штредку (попод розмакнуце) медзи двома здаванїками.

1. У каждим шоре, сума елементох чийо [[Шорне число|шорни числа]] парни и сума елементох чийо шорни числа нєпарни єднаки. 

Приклад: 

У пиятим шоре Паскалового троугелнїка находза ше елементи 1, 5, 10, 10, 5, 1.

Елементи чийо шорне число парне то 5, 10, 1 (друга, штварта, шеста позиция). А елементи чийо шорне число нєпарне то 1, 10, 5 (перша, треца, пията позиция).

Сума 5+10+1=16, a сума 1+10+5=16.

2. Мож замерковац же у написаних шорох члени вше векши як ше приблїжуєме ґу штреднєй колони. Тот закон важи за єден шор, та важи и за кажди шлїдуюци. Кажди нєпарни шор содержи число хторе найвекше и под'єднак є оддалєнe од початку и конца шора.

Приклад:

У трецим шоре найвекше число 2, а по початок и конєц шора єст лєм по єдно число. У пиятим шоре найвекше число 5, а по початок и конєц шора єст по два числа.
[[Катеґория:Ґеометрия]]